حلم زائف: لخبطة

الدنيا ملخبطة

الدنيا مقلوبه
ساعة تمشى بالعكس
او تتكعبل فى طوبة
تجبها كده تجبها كده
مافيش فايده
مالوش لازمه الكلام
تعرف ما تعرف
تفهم ما تفهم

ما تحاولش تعمل حاجه
ماتحاولش تصلح
واهى دنيا
عيشها من غير مشاكل

بدل ما تقلب بطوبه

ما أحناش أدها..

ولا نبقى معاها
ولا نبقى ضدها
سيبها .. سايبه
ما تجيش جنبها

كده كده
هاتفضل مقلوبة
هاتفضل ملخبطة

وزى ما تشوفها
حزمها وأرقصلها
خليها ماشيه كده

ومن غير ماتشوفها
طبلها ..
لما تكون كده هاتحبك
وتخدك فى حضنها
ولو ماعملتش كده
هاتكرهك ومش هاترحمك

وكده كده
هاتفضل مقلوبه
هاتفضل ملخبطه

أمشي جنب الحيط
لاتدوس عليك
وتقلب بأمشير
أو تتكعبل فى طوبه
..................